Ad Grants

Sa isang Sulyap

Lokasyon: Vancouver, Canada www.artists.ca

Misyon

Itinatag ang Federation of Canadian Artists (FCA) noong 1941. Nakatuon ang organisasyon sa pagsusulong ng kaalaman at pagpapahalaga sa sining at kultura sa lahat ng taga-Canada, pagbibigay ng edukasyon, exhibition, at komunikasyon sa Visual Arts, at sa pagsuporta at pag-promote ng mga bagong propesyonal na miyembrong artist.

Mga Layunin sa Marketing

Nakatuon ang FCA sa pagpapalawak ng kaalaman para mapalago ang kanilang malikhaing komunidad, pag-promote ng pakikipag-ugnayan sa klase at exhibition mula sa publiko sa Canada, at panghihikayat ng mga donasyon. Nakatulong ang Ad Grants para makamit ng organisasyon ang mga layuning ito sa pamamagitan ng pagpaparami ng trapiko sa kanilang website, pag-promote ng mga pag-sign up sa aktibidad, at panghihikayat ng mga donasyon sa pamamagitan ng online na pagpaparehistro para sa mga miyembro.

Proseso

Para makamit ang mga layunin sa marketing ng FCA, kinailangan ni Patrick Meyer, ang Executive Director ng FCA, na tiyaking binuo niya ang kanyang AdWords Express account sa Ad Grants sa epektibong paraan. Nag-alok ang AdWords Express ng isang malawak na hanay ng mga kategoryang maaaring pagpilian ni Patrick. Maingat siyang pumili ng mga kategoryang kumakatawan sa kanyang organisasyon at ang system ay awtomatikong bumuo ng listahan ng mga kaugnay na termino para sa paghahanap na magti-trigger ng mga ad ng FCA. Ang pag-target sa lokasyon ay isa pang epektibong diskarte ng AdWords Express para sa pag-target na ipinatupad ni Patrick, na ginamit niya para ipakita ang mga ad ng exhibition sa iba't ibang bansa ngunit para ipakita nang lokal ang mga ad ng mga klase sa sining, sa isang rehiyon kung saan handang bumiyahe ang mga tao. Mas napino pa ni Patrick ang kanyang mga campaign sa pamamagitan ng pagsubaybay sa AdWords Express dashboard na nagpapakita ng mga parirala sa paghahanap na nakatalaga sa kanyang mga ad. Tinukoy niya ang mga parirala sa paghahanap na maaaring naghahatid ng mga walang kaugnayang trapiko sa mga ad niya at inalis niya ang mga pariralang iyon.

Epekto ng Google Ad Grants

Nagbigay-daan ang AdWords Express sa FCA na madaling maabot ang kanilang target na audience at nagdala ito ng mga bagong bisita sa kanilang website at papasok sa mga pinto ng kanilang gallery. Noong 2015, nakatanggap ang kanilang mga AdWords Express ad ng 70,000 pag-click, dumami nang 23% ang mga online na pag-sign up para sa mga aktibidad, at nadagdagan ng 7% ang bilang ng mga regular na pagpaparehistro ng donor. Ang flexible na functionality ng AdWords Express ay nagbigay-daan kay Patrick na maiangkop at ma-target ang kanyang mensahe ngunit may sapat na automation para mapanatili ang patuloy na pamamahala ng account. Ang FCA ay patuloy na umaasa sa AdWords Express para makamit ang kanilang mga layunin sa marketing at maisulong ang misyon ng kanilang organisasyon.